اروع واسرع الطرق لتحدث الانجليزية بطلاقة مثل الامريكيين في وقت قصير جدا وبدون معلم؟!!!!

بسم الله الرحمن الرحيم
السلام
عليكم ورحمة الله وبركاته
مين مننا مش بيتمني يتعلم الانجليزي فلونت ومين جتله فرصة وظيفه ملهاش حلبس اللغه الانجليزية كانت عائق لانهم طالبين انجليزي فلونت
او اكسلنت علي الاقل وطبعا معظمنا خد
كورسات كتير وبرضه في النهاية بتلاقي نفسك مش بريفكت لا في النطق ولا في السرعه لاننا للاسف يا جماعة ضحية
التعليم الحكومي الفاشل اللي كله معتمد
علي التكست المكتوب من غير اي ممارسه وكله
معتمد علي حفظ الجرامر والتلقين يعني بتكون جايب في الثانوية العامة مثلا
25 من 25 يعني المفروض كده انت ممتاز بس للاسف
متعرفش تقول كلمتين علي بعض ولو سمعت حد
بيتكلم متعرفش تلقط منه علي 3 او اربع كلمات مع انك جايب الدرجه النهائية وطبعا في الكليه (اقصد الكليات الغير
متخخصة) بيكونالانجليزي دا سد خانه وخلاص
اما الكورسات فكلها زي بعضها المهم يا
جماعة انا مش عايز اطول عليكم اكتر من كده انا النهارده جايبلكم طريقه جميله ورائعه هتخليك تتعلم بسرعه وتحقق نتائج مذهله
باذن الله في وقت قصير جدا بس هي عايزه
شوية مصابره وتركيز واللي هينفذ الطريقه دي بس صح باذن الله خلال شهرين هيلاقي تغيير جذري في مستوي اللغة عنده لان
من الاخر مش هتتعلم انجليزي غير لما
تعلم نفسك وتتعبوكمان جايبلكم كورس عشان
يكون مساعد ليك في تنفيذ هذه الطريقه يعتبر من احسن الكورسات في العالم في تعليم الناتف انجلش
( Native English)

اولا الطريقه ودي خلاصه
مجهود خبراء عالميين سنين كتير

:1- لا تحفظ الكلمات(vocabulary) فرديه ولكن تعلمها في جمل

يعني متحفظش كلمه لوحدها لانك اكيد هتنساها لانها ملهاش رابط فيعقلك وهيبقي صعب جدا انك تفتكرها ولو افتكرتها مش هتجيلك وانت
بتحاول تكون جمل وانا عندي طريقه يا جماعه ملهاش حل هتخليك تحفظ
الكلمات ومتنسهاش بسهوله وهي كالتالي :

اولا
: كل يوم هتجيب نص انجليزي يعني مثلا خبر من موقع euro news او
bbc او اي موقع اجنبي او مثلا جريده انجليزية من اللي بيتباعو
عندنا زي اندبندنت او ايجبشن جازيت مثلا وهتحاول تقرا الخبر ده
وتفهمه كويس والكلمه اللي متعرفهاش هتجيبها من جوجل ترانسليت وممكن
تترجم النص كله في جوجل ترانسليت

[ندعوك للتسجيل في المنتدى أو التعريف بنفسك لمعاينة هذا الرابط]
او اي قاموس عندك المهم تفهمه كويس وتعرف معاني كل الكلمات اللي
فيه وبكده هتبقي عرفت الكلمات الجديده عن طريق التفكير والبحث مش
الحفظ وهتكون ثبتت في مخك لانها مرتبطه بموضوع

ثانيا
: العكس هتجيب نص عربي وهتحاول تترجمه انجليزي بنفس الطريقه اناعارف
يا جماعه الموضوع هيبقي صعب في الاول بس هو عاوز صبر ولازم تكون مستمتع
مش واخد الحكاية تحدي واجباري يعني لازم تحب الحاجه اللي بتعملها
عشان تقدر تحقق تقدم

2- الاستماع الاستماع الاستماع:
يعني لازم كل يوم تسمع نصوص انجليزي وتحاول تركز وبقدر
الامكان تفهم يعني مثلا ممكن تتابع قنوات
الاخبار الانجليزيه زي CNN مثلا بس المهم انك تحاول
تفهم الكلام انا عن نفسي برشح قناة MBC4 خصوصا برامج التوك
شو زي برنامج اوبرا او دكتور فيل لانها برامج امريكيه اصلي وبيكون
فيها الانجليزي الي حد ما مفهوم المهم تسمع كل يوم انجليزي

3- اجعل الانجليزي في اعماقك:
وهي اهم الطرق
كلنا طبعا عارفين انجليزي
الي حد ما كويس بس بتيجي عند تكوين الجمله وتلاقي نفسك مش عارف
تجيب كلمتين علي بعض وتقعد تفكر عند كل كلمه (اه اناكنت فاكرها )مع
انك عارف كل مكونات الجمله وحافظ كل كلماتها بس بتجيبها ببطئ .. لكن
لو شوفت نفس الجمله بس بالانجليزي هتلاقي نفسك عارف معناهاوتقول
امال انا مش عارف اكونها ليه؟؟ وبتكون المشكله هنا مش انك مش عارف انجليزي
او مش عارف كلمات او جرامر طب امال ايه المشكلة ؟؟
المشكله يا
حضرات هي ان مخك متبرمج علي العربي لان اللغة الام في مخك هي العربي بالظبط
زي القاموس الانجليزي عربي والعربي انجليزي
انا يا جماعه هقدملكم طريقه عبقرية وهتحس انك بتتحسن كل يوم عن التاني وهيازاي
تخلي مخك انجليزي عربي !!! ببساطه يا جماعة الطريقه هي انك فعلا
هتقلب مخك وهتخلي لغة تفكيرك انجليزي.. طبعا في ناس هتستغرب ازاي يعني ؟ببساطه
يا جماعه الطريقه انك هتخلي مخك جاهز يعبر بالانجليزي زي العربي تماما
.. يعني مثلا انت رايح تنام متقلش لنفسك (انا هقوم انام بقهدلوقتي)انما
قول ( i am going to sleep right now) او افتكر موضوع معين
و نقشه مع نفسك بالانجليزي وهكذا بس تلغي العربي من مخك يعني متقعدش تترجم
انت هتعتبر نفسك لغتك الاساسية الام اللي انت مولود بيها هي الانجليزي
هتخلي مخك يبقي اوتوماتك انجليزي بمعني اصح هتعمل (uninstall) للعربي
و (install) للانجليزي ولو ملقتش نفسك عارف معني
كلمه او جمله او تعبير ربنا يخليلنا الجوجل ترانسليت والكلمات دي
هتثبت في مخك وهتبقي ريدي للاستخدام في اي وقت لانك عملت اعداد لمخك
انه يكون جاهز يعبر بالانجليزي في اي وقت وبسرعه وهتلاقي نفسك علي
طول عمال تدور علي معاني كلمات زي الطفل اللي لسه بيتعلم الكلاموبيسال
علي معاني الاشياء حوله وطبعا عمره ما بينساها تاني بس حاول تستخدم
الماتيريال الحقيقي الاميركي ودا ان شاء الله موجود في الكورس زي
مثلا have got to تبقي gotta ومثلا
want تبقي wonna و yes تبقي
yeah .... وهكذا

- اما بالنسبه للنطق ودا برضه مهم جدا لان في كلمات كتير جدا
بننطقها غلطانا هديلكم موقع نطق رائع بينطق صح بصوت بشري بينطق نصوص
لحد 3 سطور علي بعض هتحط النص هتختار الصوت واحسن صوت واحد
mike او كريستين وهتضغط speak وبعدين هو هيعمل دونلود
للنص علي جهازك mp3
[ندعوك للتسجيل في المنتدى أو التعريف بنفسك لمعاينة هذا الرابط]
4- اجب علي اسئله بالانجليزي :
والطريقه دي حققت نجاح كبيربرضه مع
ناس كتير وهي انك تسمع قصه وحد يسالك اسئله بسيطه منها وانت تجاوب
متقلقوش لان دا برضه في الكورس

ثانيا الكورس وهو اسمه (learn real English conversation)

وهو كورس سيكون مساعد لهذه الطريقه
رائع يا جماعه بيتكون من محادثات انجليزية حقيقية مسموعه ومقروءه ومعاها شرح مسموع ومقروء للمعاني الايديومز اللي في المحادثه
هو كل درس عباره عن 3 حاجات المحادثه وشرح المحادثه والقصه اللي
عليها اسئله باسئلتها البسيطه جدا

التحميل
ارجو
الرد حتي تحصل علي مشاهدة الروابط

[url=http://www.mediafire.com/?42wlewzgimx]

اروع واسرع الطرق لتحدث الانجليزية بطلاقة مثل الامريكيين في وقت قصير جدا وبدون معلم؟!!!! 524488

اروع واسرع الطرق لتحدث الانجليزية بطلاقة مثل الامريكيين في وقت قصير جدا وبدون معلم؟!!!! 524488

Password 20062187

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

» 79ri حصريا كتاب تعليم الانجليزية للمبتدئين+ناطق للغة حصريا كتاب تعليم الانجليزية للمبتدئين+ناطق للغة http://www.seed-share.com/ub67vtx0us3q رد باقتباس
» تعلم اللغة الانجليزية فاسبوع فقط
» حصريا كورس تعليم الانجليزية من جامعة اكسفوردoxford ب3 مستويات
» حصريا كورس تعليم الانجليزية من جامعة اكسفوردoxford ب3 مستويات
» حصريا كتاب تعليم الانجليزية للمبتدئين+ناطق للغة